أني عبد القيوم المقدمي المعروف بإسم عبادي.
عبد القيوم مسلم أمازيغي ليبي نالوتي، عمري 17 سنة مواليد 2007م طالب في ثالثة ثانوي.
عبادي إنسان يحب العلم هلبا هلبا، في جميع المجالات يحب يقرا ويتعلم حاجات جديدة ويعرف أكثر، يسأل هلبا وفضولي في بعض الأحيان.
عبد القيوم دائمًا عنده روح المنافسة بش يكون أحسن من أي شخص آخر.
عبادي يطور من نفسه كل مدة ويحاول يكون أحسن من قبل وما يكررش أخطاءه.
عبادي معد ومقدم برامج، ومخرج وفني مونتاج وبث مباشر وهلبا حاجات (متع كلو يعني😂). مستمع جيد ومرن في الخدمة، تبرز مواهبه في إدارة العمل وإدارة الفريق، عنده القدرة على التطور بشكل سريع لأن يستوعب ويفهم بسرعة! مشوار وحتلقاه فات المتوقع.
بإختصار عبد القيوم قائد.
عبد القيوم يحب الأردوينو ومشاريع الـIOT وأتمتة المنازل أو الـ SmartHome.
عبادي ما يحبش الهدرزة والدوشة، إنسان بيتوتي عالآخر مايطلعش من الحوش.
عبد القيوم يقدر يقدّم أكثر ويقدر يدير هلبا حاجات تانية للمجتمع لو توفرت الإمكانيات.
